সূত্ৰ অনুসৰি, ৰাইড-হেলিং প্লেটফৰ্ম অলা কেবছৰ(Ola Cabs) চিইঅ’(CEO) হেমন্ত বাক্ষীয়ে পদৰ পৰা পদত্যাগ কৰিছে।
কোম্পানীটোৰ পুনৰ্গঠন প্ৰক্ৰিয়াও চলিব যিয়ে নূন্যতম ১০ শতাংশ কৰ্মচাৰীক প্ৰভাৱিত কৰিব।
জানুৱাৰী মাহত ইউনিলিভাৰৰ প্ৰাক্তন কাৰ্যবাহী বাক্ষীক কোম্পানীটোৰ দৈনন্দিন কাম-কাজ চোৱাচিতা কৰিবলৈ ওলাৰ মূল কোম্পানী এএনআই টেকন’লজিছৰ নতুন চিইঅ’ হিচাপে নিযুক্তি দিয়া হৈছিল।
সূত্ৰ অনুসৰি কোম্পানীটোৰ প্ৰতিষ্ঠাপক ভবিষ আগৰৱালাই নতুন চিইঅ’ বাছনি নোহোৱালৈকে দায়িত্ব গ্ৰহণ কৰিব।
আই পি অ’ৰ বাবে বিনিয়োগ বেংকৰ সৈতে অলা কেবছে আলোচনা আৰম্ভ কৰাৰ কিছু সময়ৰ পাছতে এই উন্নয়ন ঘটিছিল। শেহতীয়াকৈ কৰা এক ঘোষণাত ওলাই প্ৰতিযোগিতা বৃদ্ধিৰ বাবে ব্ৰিটেইন, অষ্ট্ৰেলিয়া, নিউজিলেণ্ডকে ধৰি বৰ্তমানৰ সকলো বিশ্ব বজাৰৰ পৰা আঁতৰি যোৱাৰ সিদ্ধান্ত প্ৰকাশ কৰিছে।
বিবৃতিটোত উল্লেখ কৰা হৈছে যে দেশত “বৃদ্ধিৰ উল্লেখযোগ্য সম্ভাৱনা”ৰ ধাৰণাৰ বাবে ভাৰতীয় বজাৰক অগ্ৰাধিকাৰ দিব।
যোৱা বছৰ অলাই “পুনৰ্গঠন” প্ৰচেষ্টাৰ অংশ হিচাপে ইয়াৰ ওলা কেবছ(Ola Cabs), অলা ইলেক্ট্ৰিক(Ola Electrics), আৰু অলা ফাইনেন্সিয়েল চাৰ্ভিচেছৰ (Ola Finacial Services)উলম্ব বিভাগৰ পৰা প্ৰায় ২০০ কৰ্মচাৰীক চাকৰিৰ পৰা বৰ্খাস্ত কৰিছিল।
