বন্দুকৰ গৰ্জনত কঁপিল আমেৰিকাৰ আটলাণ্টা উচ্চ বিদ্যালয়ৰ চৌহদ, ৪ জন শিক্ষাৰ্থীক গুলীয়ালে দুৰ্বৃত্তই
আমেৰিকাত বন্দুক অনিয়ন্ত্ৰিত হৈ পৰাৰ আন এক উদাহৰণ পোৱা গ’ল। শেহতীয়াকৈ আমেৰিকাৰ আটলাণ্টাৰ বেঞ্জামিন ই মেছ হাই স্কুলৰ পাৰ্কিং স্থানত দুৰ্বৃত্তই গুলীচালনা কৰাৰ ফলত চাৰিজন শিক্ষাৰ্থী আহত হৈছে।
আহত ছাত্ৰ কেইজন ১৭ – ১৮ বছৰীয়া বুলি জানিব পৰা গৈছে। গুলীবিদ্ধ চাৰিজন শিক্ষাৰ্থীক ততাতৈয়াকৈ এখন চিকিৎসালয়লৈ লৈ যোৱা হয় । আৰক্ষীয়ে প্ৰকাশ কৰা মতে আন কোনো শিক্ষাৰ্থী, শিক্ষক বা কৰ্মচাৰী ঘটনাটোত আঘাতপ্ৰাপ্ত হোৱা নাই ।
