আফ্ৰিকাৰ আটাইতকৈ জনবহুল দেশখনত চৰকাৰে এই মাৰাত্মক ৰোগৰ সংক্ৰমণ ৰোধ কৰাৰ প্ৰচেষ্টা চলোৱাৰ পিছতো নাইজেৰিয়াত প্ৰতি বছৰে এক্ৱাইৰড ইমিউন’ডেফিচিয়েন্সি চিণ্ড্ৰম (এইডছ)ৰ সৈতে জড়িত কমেও ১৫ হাজাৰ লোকৰ মৃত্যুৰ ৰেকৰ্ড আছে বুলি স্থানীয় এজন বিষয়াই জনায়।
নেচনেল এজেন্সি ফৰ দ্য কণ্ট্ৰল অৱ এইডছ (এনএচিএ)ৰ মুৰব্বী টেমিটোপে ইল’ৰীয়ে বৃহস্পতিবাৰে দক্ষিণ-পশ্চিমৰ অগুন ৰাজ্যৰ ৰাজধানী আবেঅ’কুটাত এক পোষকতা আৰু সংবেদনশীলতা অনুষ্ঠানৰ সময়ত সাংবাদিকৰ আগত কয় যে ২২ হাজাৰতকৈ অধিক লোক হিউমেন ইমিউন’ডেফিচিয়েন্সি ভাইৰাছৰ ( এইডছৰ প্ৰাৰম্ভিক পৰ্যায়ত শৰীৰৰ ৰোগ প্ৰতিৰোধ ক্ষমতাক আক্ৰমণ কৰা এইচ আই ভি এই বছৰৰ এতিয়ালৈকে খবৰ পোৱা বুলি সংবাদ সংস্থা জিনহুয়াই প্ৰকাশ কৰিছে।
দেশত এই ৰোগৰ প্ৰাদুৰ্ভাৱৰ হাৰ বৃদ্ধিৰ কথা উল্লেখ কৰি ইল’ৰীয়ে কয় যে, ‘০ৰ পৰা ১৪ বছৰৰ ভিতৰৰ প্ৰায় ১ লাখ ৪০ হাজাৰ শিশু এইচ আই ভি ৰোগত আক্ৰান্ত হৈ আছে।
সংক্ৰামক ৰোগৰ ব্যাপক সংঘটনৰ প্ৰতি ৰাষ্ট্ৰীয় সঁহাৰিৰ ক্ষেত্ৰত ত্ৰুটিৰ বাবে আক্ষেপ প্ৰকাশ কৰি বিষয়াগৰাকীয়ে কয় যে নাইজেৰিয়াই মাতৃৰ পৰা শিশুলৈ এই ৰোগ সংক্ৰমণ ৰোধৰ ক্ষেত্ৰত এক উল্লেখযোগ্য প্ৰত্যাহ্বানৰ সন্মুখীন হৈছে।
কেৱল ২০২৩ চনত নাইজেৰিয়াত ৭৫ হাজাৰ নতুন এইচ আই ভি সংক্ৰমণ আৰু ৪৫ হাজাৰ এইচ আই ভি/এইডছ সম্পৰ্কীয় মৃত্যু হোৱা বুলিও চৰকাৰী তথ্যৰ উদ্ধৃতি দি তেওঁ লগতে কয়।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ।
