ৰাষ্ট্ৰীয় দুৰ্যোগ ব্যৱস্থাপনা কৰ্তৃপক্ষৰ তথ্য অনুসৰি পাকিস্তানত বাৰিষা বৰষুণৰ ফলত যোৱা দুমাহত ২৯৩ জন লোকৰ মৃত্যু হোৱাৰ লগতে ৫৬৪ জন লোক আহত হৈছে। ছিনহুয়া সংবাদ সংস্থাৰ মতে, সমগ্ৰ দেশতে হোৱা প্ৰচণ্ড বৰষুণৰ ফলত মুঠ ১৯,৫৭২টা ঘৰ, ৩৯খন দলং, আৰু কেইবাখনো বিদ্যালয়ৰ আংশিক বা সম্পূৰ্ণ ক্ষতিসাধন হৈছে।
পূব পঞ্জাৱ প্ৰদেশত অধিকাংশ ক্ষতি আৰু হতাহতিৰ বাতৰি পোৱা গৈছে, য’ত প্ৰচণ্ড বৰষুণৰ ফলত ১১২ জন ব্যক্তিয়ে প্ৰাণ হেৰুৱাইছে আৰু ৩০২ জন আহত হৈছে। ইয়াৰ উপৰিও উত্তৰ-পশ্চিম খাইবাৰ পাখতুনখোৱা প্ৰদেশত ৮৮ জন লোকৰ মৃত্যু হোৱাৰ লগতে ১২৯ জন লোক আহত হৈছে।
সংস্থাটোৱে ঘোষণা কৰে যে আগন্তুক দিনত পাকিস্তানৰ বিভিন্ন অঞ্চলত নতুনকৈ মধ্যমীয়াৰ পৰা প্ৰবল বৰষুণৰ সম্ভাৱনা আছে।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ।
