বিএছইৰ স্মল মিডকেপ সূচকাংকত অন্তৰ্ভুক্ত ৫৭টা শ্বেয়াৰ, লাৰ্জ কেপৰ অংশ জিঅ’ ফাইনেন্সিয়েল
এছিয়া ইনডেক্স প্ৰাইভেট লিমিটেডে বিএছইৰ স্মলকেপ আৰু মিডকেপ সূচকাংকত অন্তৰ্ভুক্ত ষ্টকত বৃহৎ সালসলনি কৰাৰ সিদ্ধান্ত লৈছে। এছিয়া ইনডেক্সে বিএছইৰ স্মলকেপ ইনডেক্সত ৫৪টা ষ্টক অন্তৰ্ভুক্ত কৰাৰ সিদ্ধান্ত লৈছে। গতিকে জিঅ’ ফাইনেন্সিয়েল চাৰ্ভিচেছ বিএছইৰ লাৰ্জ কেপ ইনডেক্সৰ অংশ হ’ব। এই পৰিৱৰ্তন ২০২৪ চনৰ ১৮ মাৰ্চৰ পৰা কাৰ্যকৰী হ’ব।
বিএছই আৰু এছ এণ্ড পি ডাউ জ’নছ ইনডেক্সৰ সৈতে অংশীদাৰিত্বৰে এছিয়া প্ৰাইভেট ইনডেক্স প্ৰস্তুত কৰা হৈছে। টাটা টেকন’লজিছ, জে এছ ডব্লিউ ইনফ্ৰাষ্ট্ৰাকচাৰ, ভাৰতীয় নবীকৰণযোগ্য শক্তি উন্নয়ন সংস্থাক বি এছ ই মিডকেপ সূচকাংকত অন্তৰ্ভুক্ত কৰা হৈছে। ৰিলায়েন্স গ্ৰুপৰ জিঅ’ ফাইনেন্সিয়েল চাৰ্ভিচেছ একমাত্ৰ কোম্পানী যিটো বিএছই লাৰ্জ কেপ ইনডেক্সত অন্তৰ্ভুক্ত হ’ব। বিএছইৰ অলকেপ সূচকাংকতো অন্তৰ্ভুক্ত হৈছে জিঅ’ ফাইনেন্সিয়েল। বিএছই লাৰ্জ কেপ আৰু মিডকেপ সূচকাংকৰ পৰা কোনো ষ্টক বাদ দিয়া হোৱা নাই।
