৩১ বছৰীয়া এটা গোচৰত পঞ্জাৱৰ মোহলীত কেন্দ্ৰীয় তদন্তকাৰী ব্যুৰোৰ বিশেষ আদালতে এজন প্ৰাক্তন আৰক্ষী উপ-মহাপৰিদৰ্শক (ডি আই জি) আৰু এজন প্ৰাক্তন উপ-আৰক্ষী অধীক্ষকক হত্যাৰ দোষী সাব্যস্ত কৰে , বৃহস্পতিবাৰে।
চিবিআইৰ বিশেষ ন্যায়াধীশ ৰাকেশ কুমাৰৰ আদালতত তৰ্ণ টাৰ্ণৰ জাণ্ডালা ৰোডৰ ফলমূল বিক্ৰেতা গুলচন কুমাৰক হত্যা কৰাৰ গোচৰত প্ৰাক্তন ডিআইজি দিলবাগ সিং আৰু প্ৰাক্তন ডিএছপি গুৰবাচন সিঙক দোষী সাব্যস্ত কৰা হয়।
চিবিআইয়ে দাখিল কৰা চাৰ্জশ্বীট অনুসৰি ১৯৯৬ চনত গুলচন কুমাৰৰ পিতৃ চামন লালে সংস্থাটোক এক বিবৃতি দিয়াৰ পিছতে সংস্থাটোৱে গোচৰটো পঞ্জীয়ন কৰিছিল। তেওঁ দাবী কৰে যে ১৯৯৩ চনৰ জুন মাহত ডি এছ পি দিলবাগ সিং (এজন অৱসৰপ্ৰাপ্ত ডি আই জি)ৰ নেতৃত্বত টাৰ্ণ টাৰ্ণৰ এটা আৰক্ষী দলে জুন মাহৰ সন্ধিয়া তেওঁৰ পুত্ৰক বলপূৰ্বকভাৱে লৈ গৈছিল আৰু ১৯৯৩ চনৰ ২২ জুলাইত ভুৱা এনকাউণ্টাৰত হত্যা কৰিছিল। তেওঁৰ পুত্ৰৰ মৃতদেহ আৰক্ষীক অৱগত নকৰাকৈয়ে দিলবাগ সিঙে দাহ কৰে।
আদালতত দাখিল কৰা চাৰ্জশ্বীটৰ লগতে চিবিআইৰ তদন্তৰ প্ৰতিবেদনত উল্লেখ কৰা হৈছে যে সেই সময়ত টাৰ্ণ টাৰ্ণ (চহৰ) থানাৰ উপ-পৰিদৰ্শক তথা ষ্টেচন হাউচ অফিচাৰ (এছএইচঅ’) গুৰবাচন সিঙে গুলশান কুমাৰক অবৈধভাৱে আটক কৰি ৰাখিছিল।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ ।
