কঠীয়াতলী ২১ জুলাইঃ আজি পুৱা ১০ বজাত ৰাঙলু গাঁও পঞ্চায়তৰ অন্তৰ্গত হাবিগাঁৱত এডাল প্ৰকাণ্ড অজগৰ উদ্ধাৰ কৰে সৰ্প বন্ধু বজৰং ৰাভাৰ সহযোগত গাঁওখনৰ ৰাইজে। পুৱা এঘৰৰ ব্ৰইলাৰ ফ্ৰামত ব্ৰইলাৰ ভক্ষণ কৰি সমীপৰ পুখুৰী এটালৈ নামি যোৱাৰ সময়তে গাৱঁৰ ৰাইজে অজগৰটোক উদ্ধাৰ কৰি কঠীয়াতলী আঞ্চলিক বন কাৰ্যালয়ত খবৰ দিয়াত বনাঞ্চলিক বিষয়া দেৱব্ৰত খনিকৰৰ নেতৃত্বত বনকৰ্মীৰ দলটোৱে ১২ ফুট দৈঘ্যৰ আৰু ৩০ কিলো ওজনৰ আজগৰ ডাল কন্দলী পাহাৰৰ ঘন জংঘলত এৰি দিয়ে। ৰাইজৰ দলটোত তিৱা স্বায়ত্ব পৰিষদৰ অধ্যক্ষ মদন বৰদলৈ, অভিযন্তা উৎপল গোস্বামী, সমাজ সেৱক জগত গগৈকে আদি কৰি গাঁওখনৰ শতাধিক পুৰুষ-মহিলাৰ উপস্থিত আছিল।
কমলেশ্বৰ শইকীয়া
কঠীয়াতলী।
