শুকুৰবাৰে সংসদক জনোৱা হয় যে বিত্তীয় বৰ্ষ ২৩ৰ বিপৰীতে ২৪ বিত্তীয় বৰ্ষত বৈদ্যুতিক বাহনৰ পঞ্জীয়ন উল্লেখযোগ্যভাৱে ৪২.০৬% বৃদ্ধি পাইছে।
গধুৰ উদ্যোগ আৰু তীখা বিভাগৰ ৰাজ্যিক মন্ত্ৰী ভূপতি ৰাজু শ্ৰীনিবাস বৰ্মাই ৰাজ্যসভাক জনোৱা মতে, বিত্তীয় বৰ্ষ ২৪ চনত ই-ভান পৰ্টেলত ১৬,৮১,১২৭ খন বৈদ্যুতিক বাহন পঞ্জীয়ন হোৱাৰ বিপৰীতে ২৩ বিত্তীয় বৰ্ষত ১১,৮৩,৩৪১ খন ইলেক্ট্ৰিক বাহন পঞ্জীয়ন হৈছিল।
পথ পৰিবহণ আৰু ঘাইপথ মন্ত্ৰালয়ৰ তথ্য অনুসৰি ২৯ জুলাইলৈকে ই-ভাহান পৰ্টেলত মুঠ ৪৫,৭৪,৯৩৮খন বৈদ্যুতিক বাহন পঞ্জীয়ন কৰা হৈছে।
২০২১ চনত চৰকাৰে ২৫,৯৩৮ কোটি টকাৰ বাজেটেৰে ভাৰতৰ অটোমোবাইল আৰু অটো কম্পোনেণ্ট উদ্যোগ (PLI-AUTO)ৰ বাবে প্ৰডাকচন লিংকড ইনচেন্টিভ (PLI) আঁচনিত অনুমোদন জনায়। মন্ত্ৰীগৰাকীয়ে উল্লেখ কৰে যে অনুমোদিত আবেদনকাৰীসকলে ২০২৪ চনৰ ৩১ মাৰ্চলৈকে ১৭,৮৯৬ কোটি টকাৰ বিনিয়োগ, আৰু ৩,৩৭০ কোটি টকাৰ বৃদ্ধি পোৱা বিক্ৰী বৃদ্ধিৰ ৰিপৰ্ট দিছে।
চৰকাৰে লগতে জনাইছে যে পিএলআই-অটো আঁচনিৰ বাবে বিত্তীয় বৰ্ষ ২৫ প্ৰথমটো প্ৰৰোচনামূলক বিতৰণ বৰ্ষ।
PLI-Auto আঁচনিৰ জৰিয়তে গুজৰাটত ১২টা উৎপাদন স্থানৰ সৈতে ১০জন আবেদনকাৰীক অনুমোদন জনোৱা হৈছে। ২০১৫ চনত মন্ত্ৰালয়ে দেশত বৈদ্যুতিক আৰু হাইব্ৰিড বাহনৰ ব্যৱহাৰক উৎসাহিত কৰাৰ উদ্দেশ্যে এফ এ এম ই ইণ্ডিয়া (FAME India)আঁচনি প্ৰৱৰ্তন কৰে। আঁচনিখনৰ দ্বিতীয় পৰ্যায়ৰ সময়ছোৱাত অ’ইএমসমূহে (OEMs (EV manufacturers) ১৬,৭১,৬০৬খন বৈদ্যুতিক বাহনৰ বাবে মুঠ ৬,৮২৫ কোটি টকাৰ ৰাজসাহায্য প্ৰদানৰ দাবী দাখিল কৰিছে।
কেন্দ্ৰই ঘোষণা কৰে যে FAME-II আঁচনিৰ অধীনত চহৰৰ ভিতৰত চলাচলৰ বাবে ৬,৮৬২খন বৈদ্যুতিক বাছ অনুমোদন দিয়া হৈছে। ৩১ জুলাইলৈকে ইয়াৰে ৪৮৫৩খন ই-বাছ ডেলিভাৰী কৰা হৈছে। বৈদ্যুতিক বাহনৰ গ্ৰহণ বৃদ্ধিৰ বাবে চৰকাৰে FAME 3.0 প্ৰৱৰ্তন কৰাৰ মনস্থ কৰিছে।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ ।
