নতুন কাম লৈ আকৌ এবাৰ আপোনালোকৰ কাষ চাপিবলৈ সাজু হৈছে হিমাংশু প্ৰসাদ দাস। চুটি ছবি, থিয়েটাৰী চং তথা ছবিসমূহত জড়িত হৈ থকা হিমাংশু প্ৰসাদ দাসে সমান্তৰালকৈ নিজা চিন্তাৰেও আগবঢ়া দেখিবলৈ পোৱা গৈছে। এইবাৰ তেওঁৰ পৰিকল্পনা-পৰিচালনাৰে আহি আছে এখন নতুন মিউজিকেল চৰ্ট ফিল্ম “ভাইৰেল মৌচুমী”। অলপতে প্ৰকল্পটোৰ এখন পষ্টাৰ মুকলি কৰি দিয়ে হিমাংশু প্ৰসাদ দাসে।
সামাজিক মাধ্যমৰ ভয়াৱহতা আৰু ভিডিঅ’ ভাইৰেল হোৱা পিছত এজনী ছোৱালীৰ মানসিক স্থিতি কেনে হ’ব পাৰে তথা ছোৱালীজনীয়ে কেনেদৰে পৰিস্থিতিটোৰ সৈতে মোকাবিলা কৰি এটা ব্যক্তিগত জীৱন জীয়াবলৈ চেষ্টা কৰে সেই বিষয়বস্তুটোকে লৈ নিৰ্মাণ কৰা হৈছে “ভাইৰেল মৌচুমী”।প্ৰিয়ংকা শইকীয়া, ৰাজেশ ভূঞা, জয়দেৱ, প্ৰণৱ, পাপু, গৌৰৱ, ইন্দ্ৰ, শশাংক, ধীৰক, হিমশিখৰ, প্ৰশান্ত, মোহন, প্ৰাণেশ্বৰৰ লগতে আন কেইবাগৰাকীও অভিনেতা-অভিনেত্ৰীৰ অভিনয়েৰে নিৰ্মিত “ভাইৰেল মৌচুমী” ত চিত্ৰগ্ৰহণ কৰিছে জিন্তু কুমাৰে, চিত্ৰগ্ৰহণ নিষাদ ৰঞ্জনৰ। সংগীত ব্যৱস্থাপনা পৰাণ বৰকটকীৰ আৰু ৰূপসজ্জা নিৰ্মালি কাশ্যপৰ।
হিমাংশু প্ৰসাদ দাসৰ প্ৰকল্প আহিব আৰু দৰ্শক সকল উৎসাহিত নহ’ব! তেনে কোনো কথাই হ’ব নোৱাৰে। অতিশীঘ্ৰে মুক্তি লাভ কৰিব “ভাইৰেল মৌচুমী”।
