হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা শিক্ষাৰ্থী সকলক অভিনন্দন জনোৱাৰ উদ্দেশ্যৰে আজি বিদ্যালয় খনৰ প্ৰাঙ্গনত অনুষ্ঠিত অভিনন্দন অনুষ্ঠানৰ কাৰ্যসূচীত উপস্থিত থাকে নগাওঁ সদৰ সমষ্টিৰ বিধায়ক ৰূপক শৰ্মা । নগাঁও চহৰৰ আমোলাপট্টিস্থিত শংকৰদেৱ শিশু বিদ্যা নিকেতনে বছৰ বছৰ ধৰি শৈক্ষিক দিশত গুৰুত্বপূৰ্ণ ভূমিকা গ্ৰহণ কৰি আহিছে। বিদ্যালয়খনৰ এনে প্ৰচেষ্টাক শলাগ লবৰ বাবে বিধায়ক ৰূপক শৰ্মা উপস্থিত হয় নগাঁও চহৰৰ আমোলাপট্টিস্থিত শংকৰদেৱ শিশু বিদ্যা নিকেতনৰ প্ৰাংগনত।
ইয়াৰ লগে লগে চলিত বৰ্ষৰ হাইস্কুল শিক্ষান্ত পৰীক্ষা আৰু উচ্চতৰ মাধ্যমিক চুড়ান্ত পৰীক্ষাত কৃতিত্ব অৰ্জন কৰা শিক্ষাৰ্থী সকলক আজি পূৱ নগাঁও ৰঙালী বিহু উৎসৱ উদযাপন সমিতিৰ উদ্যোগতো সম্বৰ্ধনা জনোৱা হয়।
এই উপলক্ষে ৰত্নকান্ত বৰকাকতী উচ্চ মাধ্যমিক বিদ্যালয়ৰ প্ৰাঙ্গনত অনুষ্ঠিত অভিনন্দন অনুষ্ঠান ভাগতো অংশগ্ৰহণ কৰে বিধায়কগৰাকী । দুয়োটা কাৰ্যসূচীত অংশগ্ৰহণ কৰি হাইস্কুল শিক্ষান্ত পৰীক্ষা আৰু উচ্চতৰ মাধ্যমিক চুড়ান্ত পৰীক্ষাত সুখ্যাতিৰে উত্তীৰ্ণ হোৱা ছাত্ৰ-ছাত্ৰী সকলক আন্তৰিক অভিনন্দন জ্ঞাপন কৰি ভৱিষ্যত দিনত উচ্চ শিক্ষাৰ ক্ষেত্ৰখনত কৃতকাৰ্য হৈ একো একোজন মানৱ সম্পদ হিচাপে প্ৰতিষ্ঠিত হৈ উঠাৰ বাবে শুভেচ্ছা জ্ঞাপন কৰে নগাওঁ সদৰ সমষ্টিৰ বিধায়ক গৰাকীয়ে।
