যোৰহাট লোকসভা সমষ্টিৰ সাংসদ গৌৰৱ গগৈক প্ৰদেশ কংগ্ৰেছৰ নেতৃবৰ্গ তথা কৰ্মী সকলে গগৈক উষ্ম আদৰণি জনায়।

অষ্টাদশ লোকসভাৰ দ্বিতীয় বাৰৰ বাবে যোৰহাট লোকসভা সমষ্টিৰ সাংসদ গৌৰৱ গগৈক বিৰোধী দলৰ উপ দলপতি মনোনীত কৰা উপলক্ষে আজি সাংসদ গৰাকীক গুৱাহাটীস্থিত ৰাজীৱ ভৱন প্ৰেক্ষাগৃহত নিখিল ভাৰত কংগ্ৰেছ কমিটীৰ সাধাৰণ সম্পাদক তথা অসম কংগ্ৰেছৰ তত্বাৱধায়ক জিতেন্দ্ৰ সিংৰ উপস্থিতিত অসম প্ৰদেশ কংগ্ৰেছ কমিটীৰ সভাপতি ভূপেন কুমাৰ বৰা, অসম বিধানসভাৰ বিধায়িনী দলৰ দলপতি দেৱব্ৰত শইকীয়া, ধুবুৰী লোকসভাৰ সাংসদ ৰকিবুল হুছেইন, নিখিল ভাৰত কংগ্ৰেছ কমিটীৰ সম্পাদক তথা অসম কংগ্ৰেছৰ সহ তত্বাৱধায়ক পৃথ্বীৰাজ প্ৰভাকৰ সাথে আৰু বিকাশ উপাধ্যায়, কাৰ্যকৰী সভাপতি জাকিৰ হুছেইন শিকদাৰৰ লগতে কংগ্ৰেছ দলৰ বিধায়ক সকল আৰু প্ৰদেশ কংগ্ৰেছৰ নেতৃবৰ্গ তথা কৰ্মী সকলে গগৈক উষ্ম আদৰণি জনায়। সম্বৰ্ধনাৰ কাৰণে শ্ৰী গগৈ সদায় চিৰকৃতজ্ঞ হৈ থকাৰ লগতে সমূহ অসমবাসী ৰাইজৰ বিশ্বাস সদায় তেওঁৰ কাৰণে প্ৰেৰণা তথা আৰ্শীবাদ হৈ ৰ’ব বুলি মত প্ৰকাশ কৰে নৱ নিৰ্বাচিত সাংসদ গৰাকী।