বিশ্বনাথৰ বৰচাং কেন্দ্ৰৰ উদ্যোগত ধূলিৰ অমিয় ভৱন প্ৰেক্ষাগৃহত বিশ্বনাথ মহকুমা প্ৰাথমিক শিক্ষক সন্মিলনীৰ বিংশতিতম দ্বি-বাৰ্ষিক অধিৱেশন আজি বৰ্ণাঢ্য কাৰ্যসূচীৰে অনুষ্ঠিত হয়।
বাতৰি লিখা পৰলৈকে ইতিমধ্যে কেইবাটাও গুৰুত্বপূৰ্ণ কাৰ্যসূচী ৰূপায়িত হৈছে।
# কাৰ্যসূচী অনুসৰি পতাকা উত্তোলন কৰে বিশ্বনাথ মহকুমা প্ৰাথমিক শিক্ষক সন্মিলনীৰ সভাপতি দুলাল বৰাই। শ্বহীদ তৰ্পণ কৰে সম্পাদক তথা অখিল ভাৰতীয় প্ৰাথমিক শিক্ষক সংঘৰ সদস্য পৰেশ বৰাই আনহাতে বন্তি প্ৰজ্বলন কৰে বিশ্বনাথ মহকুমা প্ৰাথমিক শিক্ষক সন্মিলনীৰ উপ-সভানেত্ৰী নিশা ভূঞাই।
# ইয়াৰ পিছত বৃক্ষ ৰোপন কাৰ্যসূচী ৰূপায়ন কৰা হয়। বৃক্ষ ৰোপন কৰে অৱসৰপ্ৰাপ্ত শিক্ষক পদুম বাঢ়ৈ, চিত্ৰনাথ দৈমাৰী, নন্দলাল উপাধ্যায়, বিশ্বনাথ জিলা সাহিত্য সভাৰ পত্ৰিকা সম্পাদক তথা জ্যেষ্ঠ সাংবাদিক গোলাম ৰচুল আলী জলহা, শিক্ষক ক্ৰমে থাদিউচ বাড়া, পিলাতুচ তিৰ্কী, সুৰেন ফাংচু, জেমচ তিৰ্কী আৰু ৰাজেশ ভূঞাই।
# অনুষ্ঠানলৈ বিশ্বনাথৰ বিভিন্ন প্ৰান্তৰ শৈক্ষিক সাংস্কৃতিক আৰু ঐক্য উত্তৰণ সভাৰ সদস্যসকলৰ নাম পঞ্জীয়ন মুকলি কৰে বিশ্বনাথ মহকুমা প্ৰাথমিক শিক্ষক সন্মিলনীয়ে।
# দুপৰীয়া প্ৰতিনিধি সভাৰ অন্তত
অনুষ্ঠিত হ’বলগীয়া মুকলি সভাত অসম ৰাজ্যিক প্ৰাথমিক শিক্ষক সন্মিলনীৰ সভাপতি অখিল চন্দ্ৰ নাথ মুখ্য অতিথি হিচাপে অংশগ্ৰহণ কৰাৰ বিপৰীতে পৰ্যবেক্ষক হিচাপে নলবাৰী মহকুমাৰ সম্পাদক মোহন হালৈ আৰু তেজপুৰ মহকুমাৰ সম্পাদক অৱনী বৰা প্ৰমুখ্যে শিক্ষক সন্মিলনীৰ বিষয়ববীয়া সকল উপস্থিত থাকিব। আজি এইদৰে অভ্যৰ্থনা সমিতিৰ সভাপতি সুৰেন ফাংচু আৰু সম্পাদক জেমচ তিৰ্কীয়ে জানিবলৈ দিয়ে।
বালিচাংৰ পৰা ৰমেশ চন্দ্ৰ চৰেণ
