পাহি কেওঁট এগৰাকী সম্ভাৱনা পূৰ্ণ খেলুৱৈ। নগাঁও জিলাৰ উৰিয়াগাঁওৰ নিবাসী পাহি কেওঁট নগাঁও ক্ৰীড়া সংস্থাৰ এগৰাকী নিয়মীয়া খেলুৱৈ। এথলেটিক পাহি কেওঁটে নৰ্থ ইষ্ট অলিম্পিকত স্বৰ্ণ পদক লাভ কৰা লগতে ৰাজ্যিক ভিত্তিত অনুষ্ঠিত হোৱা প্ৰতিযোগিতাত দুটাকৈ স্বৰ্ণ পদক লাভ কৰা উপৰিও উত্তৰ পূৰ্বাঞ্চলৰ বিভিন্ন স্থানত অনুষ্ঠিত হোৱা প্ৰতিযোগিতাত স্বৰ্ণ আৰু ৰূপৰ পদক লাভ কৰি ৰাজ্যৰ ক্ৰীড়া ক্ষেত্ৰখনলৈ গৌৰৱ কঢ়িয়াই আনিবলৈ সক্ষম হৈছে। ইতিমধ্যে খেলো ইণ্ডিয়াৰ প্ৰতিযোগিতাতো অংশগ্ৰহণ কৰি পাহিয়ে ব্ৰঞ্জৰ পদক লাভ কৰিবলৈ সক্ষম হৈছে।
শেহতীয়াকৈ পাহিয়ে ছত্তিশগড়ত অনুষ্ঠিত হ’বলগীয়া য়ুথ নেচনেল এথেলেটিক চেম্পিয়ন শ্বিপত অসমৰ হৈ প্ৰতিনিধিত্ব কৰাৰ সুযোগ লাভ কৰিছে। ছত্তিশগড়ত অনুষ্ঠিত হ’বলগীয়া প্ৰতিযোগিতাত অংশগ্ৰহণ কৰিবলৈ যোৱাৰ পূৰ্বে আজি নগাঁও ক্ৰীড়া সংস্থাৰ তৰফৰ পৰা খেলুৱৈ গৰাকীক কিছু আৰ্থিক সাহাৰ্য প্ৰদান কৰা হয়। খেলুৱৈ গৰাকীক ব্যক্তিগত ভাবে নগাঁও সদৰ সমষ্টিৰ বিধায়ক ৰূপক শৰ্মা তথা নগাঁও ক্ৰীড়া সংস্থাৰ ফালৰ পৰাও কিছু আৰ্থিক সাহাৰ্য প্ৰদান কৰা হয়। ছত্তিশগড়ত অসমৰ হৈ প্ৰতিনিধিত্ব কৰিবলগীয়া আগন্তুক প্ৰতিযোগিতাৰ খনিৰ বাবে পাহিক আন্তৰিক শুভেচ্ছা জ্ঞাপন কৰাৰ লগতে তেওঁৰ উজ্জ্বল ভৱিষ্যতৰ কামনা কৰে নগাঁও সদৰ সমষ্টিৰ বিধায়ক ৰূপক শৰ্মা তথা নগাঁও ক্ৰীড়া সংস্থাই ।
