সূৰ্য্যৰ কিৰণ ৰ প্ৰতিনিধি : নগাঁও জিলা নদুৱাতুত্তামীৰৰ উদ্যোগত কেন্দুগুৰি আঞ্চলিক কমিটীৰ তত্বাৱধানত ২১,২২ আৰু ২৩ তাৰিখে তিনিদিনীয়াকৈ অনুষ্ঠিত হৈছে এই খানক্বাহ।
উক্ত খানক্বাহত উত্তৰ পূব ভাৰতৰ আমীৰে শ্বৰীয়ত ও নদুৱাতুত্তামীৰৰ সভাপতি পীৰে কামীল হজৰত মৌলানা ইউছুফ আলী মুখ্য অতিথি হিচাপে অংশ গ্ৰহণ কৰিছে।
খানক্বাহৰ পৰিচালক হিচাপে উপস্থিত হৈছে উত্তৰ পূব ভাৰতৰ নাজিমে খানক্বাহ মৌলানা উছামা মবৰুৰ চাহাব।
উক্ত খানক্বাহত নগাঁও জিলাৰ চল্লিশটা আঞ্চলিকৰ পৰা প্ৰায় সহস্ৰাধিক মুৰীদান ভক্ত সকলে অংশগ্ৰহণ কৰিছে।
নগাঁও জিলাৰ কেন্দুগুৰি খানক্বাহ পৰিচালনা অভ্যৰ্থনা সমিতিৰ সভাপতি জবান আলী, সম্পাদক মৌলানা ৰছিদুল ইছলাম, জিলা নদুৱাতুত্তামীৰৰ সভাপতি মৌলানা আনোৱাৰুল হক চৌধুৰী সাধাৰণ সম্পাদক আলহাজ চৈয়দ আলী, সম্পাদক মৌলানা মোস্তাফা কামালে উক্ত খানক্বাহত সমূহ ধৰ্মপ্ৰাণ ৰাইজক অংশগ্ৰহণ কৰি পৰকালৰ মুক্তিৰ নেক পথ হাছিল কৰিবলৈ আহ্বান জনাইছে।
