চলি থকা প্ৰচণ্ড বৰষুণৰ ফলত সৃষ্টি হোৱা বানপানীৰ উদ্বেগৰ প্ৰতি সঁহাৰি জনাই চীনৰ পূব প্ৰদেশ জিয়াংছি আৰু ফুজিয়ানৰ ৰে’ল কৰ্তৃপক্ষই শনিবাৰৰ পৰা ১৯ জুনলৈকে চাৰিটা ৰে’লৱেত যাত্ৰীবাহী ৰে’ল সেৱা বন্ধ কৰাৰ সিদ্ধান্ত লৈছে।
ছিনহুয়া সংবাদ সংস্থাই প্ৰকাশ কৰা অনুসৰি বান নিয়ন্ত্ৰণৰ প্ৰতি সঁহাৰি জনাই শনিবাৰে প্ৰদেশসমূহৰ মাজেৰে ১৭খন ৰে’ল যাত্ৰা বাতিল কৰিব চীন ৰে’লৱেজ নানচাং গ্ৰুপ কোম্পানী লিমিটেডে।
কোম্পানীটোৱে উল্লেখ কৰে যে ৰে’লৱেৰ ওচৰত হোৱা প্ৰচণ্ড বৰষুণৰ ফলত হ’ব পৰা সম্ভাৱ্য বিপদৰ ওপৰত তীক্ষ্ণ দৃষ্টি নিক্ষেপ কৰি বিপদজনক অঞ্চলসমূহ সুৰক্ষিত কৰিবলৈ কৰ্মচাৰী নিয়োগ কৰি আছে।
জলসম্পদ মন্ত্ৰালয়ে শুকুৰবাৰৰ পৰা দেওবাৰলৈকে প্ৰাদেশিক পৰ্যায়ৰ গুৱাংচি, ফুজিয়ান, ইউনান, আৰু গুইজৌ অঞ্চলত বানপানীৰ ক্ষেত্ৰত চতুৰ্থ স্তৰৰ জৰুৰীকালীন সঁহাৰি জাৰি কৰে। ধাৰাসাৰ বৰষুণে ছিজিয়াং আৰু মিনজিয়াং নদীৰ দৰে ডাঙৰ নদীৰ জলস্তৰ সতৰ্কবাণীৰ স্তৰৰ ওপৰলৈ বৃদ্ধি কৰিব বুলি ভৱিষ্যদ্বাণী কৰা হৈছে।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ ।
