বৃহস্পতিবাৰে লেফটেনেণ্ট জেনেৰেল সাধনা ছাক্সেনা নাইৰে ভাৰতীয় সেনাত চিকিৎসা সেৱাৰ সঞ্চালক প্ৰধানৰ ভূমিকা গ্ৰহণ কৰা প্ৰথমগৰাকী মহিলা হিচাপে ইতিহাস ৰচনা কৰে।
লেফটেনেণ্ট জেনেৰেল সাধনা ছাক্সেনাই ইজৰাইলৰ প্ৰতিৰক্ষা বাহিনীৰ সৈতে ৰাসায়নিক, জৈৱিক, ৰেডিঅ’লজিকেল, আৰু পাৰমাণৱিক যুদ্ধৰ প্ৰশিক্ষণ সম্পূৰ্ণ কৰাৰ লগতে স্পিজত চুইজাৰলেণ্ডৰ সশস্ত্ৰ বাহিনীৰ সৈতে সামৰিক চিকিৎসা নৈতিকতাৰ প্ৰশিক্ষণ সম্পূৰ্ণ কৰিছে।
এয়াৰ মাৰ্শ্বাল পদবীলৈ উন্নীত হোৱা প্ৰথমগৰাকী মহিলা বিষয়া হিচাপে ডি জি হাস্পতাল চাৰ্ভিচেছ (সশস্ত্ৰ বাহিনী) হিচাপে কাৰ্যনিৰ্বাহ কৰিছিল। ইয়াৰ উপৰিও তেওঁ পশ্চিম বায়ুসেনা আৰু ভাৰতীয় বায়ুসেনাৰ (আই এ এফ) প্ৰশিক্ষণ কমাণ্ডৰ প্ৰথমগৰাকী মহিলা মুখ্য চিকিৎসা বিষয়া আছিল।
প্ৰতিৰক্ষা মন্ত্ৰালয়ে ঘোষণা কৰে যে লেফটেনেণ্ট জেনেৰেল নাইৰে পুনেৰ সশস্ত্ৰ বাহিনীৰ চিকিৎসা মহাবিদ্যালয়ৰ পৰা বিশিষ্ট শৈক্ষিক অভিলেখেৰে স্নাতক ডিগ্ৰী লাভ কৰি ১৯৮৫ চনৰ ডিচেম্বৰ মাহত সেনা চিকিৎসা কৰ্পছত যোগদান কৰে।
পৰিয়াল চিকিৎসা বিষয়ত স্নাতকোত্তৰ ডিগ্ৰী, মাতৃ আৰু শিশু স্বাস্থ্য আৰু স্বাস্থ্যসেৱা ব্যৱস্থাপনাত ডিপ্লমা লাভ কৰাৰ লগতে নতুন দিল্লীৰ এইমছত চিকিৎসা তথ্যবিজ্ঞানৰ দুবছৰীয়া প্ৰশিক্ষণ কাৰ্যসূচী সম্পূৰ্ণ কৰিছে।
চিকিৎসা শিক্ষাৰ ওপৰত গুৰুত্ব আৰোপ কৰা ৰাষ্ট্ৰীয় শিক্ষা নীতিৰ এটা খণ্ডৰ খচৰা প্ৰস্তুত কৰাত সহায় কৰিবলৈ লেফটেনেণ্ট জেনেৰেল নাইৰক ডাঃ কস্তুৰীৰংগন সমিতিৰ বিশেষজ্ঞ সদস্য হিচাপে নিৰ্বাচিত কৰা হয়।
তেওঁৰ অসাধাৰণ সেৱাৰ স্বীকৃতি স্বৰূপে তেওঁ ভাৰতৰ ৰাষ্ট্ৰপতিৰ পৰা এয়াৰ অফিচাৰ কমাণ্ডিং ইন চিফ, ৱেষ্টাৰ্ণ এয়াৰ কমাণ্ড আৰু চীফ অৱ এয়াৰ ষ্টাফ কমেণ্ডেচন লাভ কৰিছে।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ ।
