ভাৰতীয় নেশ্যনেল ৰেষ্টুৰেণ্ট এছ’চিয়েশ্যনে শেহতীয়াকৈ খাদ্য ডেলিভাৰী প্লেটফৰ্ম জ’মেটো আৰু ছুইগীয়ে তেওঁলোকৰ কুইক কমাৰ্চ (কিউ-কম) এপৰ জৰিয়তে ব্যক্তিগত লেবেলৰ খাদ্য ডেলিভাৰীৰ ক্ষেত্ৰত কৰা আক্ৰমণৰ তীব্ৰ বিৰোধিতা কৰে।
হোটেল উদ্যোগৰ আগশাৰীৰ সংস্থাটোৱে এক বিবৃতিত কয় যে তেওঁলোকৰ এই পদক্ষেপে ন্যায্য প্ৰতিযোগিতাৰ নীতিক ভেঙুচালি কৰে আৰু সমগ্ৰ দেশৰ হাজাৰ হাজাৰ ৰেষ্টুৰেণ্টৰ কাৰ্য্যক্ষমতাৰ প্ৰতি যথেষ্ট ভাবুকি কঢ়িয়াই আনিছে।
এন আৰ আইয়ে পাঁচ লাখৰো অধিক ৰেষ্টুৰেণ্টক প্ৰতিনিধিত্ব কৰে, যিটো উদ্যোগৰ মূল্য ৫.৬৯ লাখ কোটি টকা।
এন আৰ এ আইয়ে কয় যে, “প্ৰথমতে বজাৰ প্লেটফৰ্ম হিচাপে প্ৰতিষ্ঠা হোৱা জোমাটো আৰু ছুইগীয়ে এতিয়া নিজৰ প্ৰভাৱশালী স্থান আৰু ৰেষ্টুৰেণ্টৰ তথ্যৰ প্ৰৱেশৰ সহায় লৈ প্ৰত্যক্ষভাৱে বা তেওঁলোকৰ সহযোগী কোম্পানীটোৰ জৰিয়তে ব্যক্তিগত লেবেলৰ খাদ্য ডেলিভাৰীৰ কামত আগবাঢ়িছে।”
এই কৌশলে কেৱল “এই প্লেটফৰ্মসমূহৰ ওপৰত নিৰ্ভৰশীল ৰেষ্টুৰেণ্টসমূহৰ ব্যৱসায়ক নৃশংস কৰি তোলা” নহয়, কপিৰাইট আইন আৰু আনুষংগিক আইনসমূহৰ অধীনতো গুৰুতৰ উদ্বেগ সৃষ্টি কৰে।
ব্যক্তিগত লেবেলিঙৰ জৰিয়তে খাদ্য ডেলিভাৰী আৰু তেওঁলোকৰ প্লেটফৰ্মত বিক্ৰীৰ ক্ষেত্ৰত তেওঁলোকৰ প্ৰৱেশ আৰু লগতে নিজৰ দ্ৰুত বাণিজ্যিক প্লেটফৰ্ম যেনে ব্লিংকিট বিষ্ট্ৰ’ আৰু ছুইগি কেফে/স্নেকৰ জৰিয়তে ব্যক্তিগতভাৱে লেবেলযুক্ত খাদ্য ডেলিভাৰী কৰাটোৱে মৌলিকভাৱে নিৰপেক্ষতাক উলংঘা কৰে, যাৰ ফলত এক অসমান খেলপথাৰ সৃষ্টি হয়।
এন আৰ এ আইয়ে কয় যে ৰেষ্টুৰেণ্টৰ অংশীদাৰৰ পৰা আহৰণ কৰা তথ্যক মুদ্ৰাকৰণ কৰি তেওঁলোকে স্বাৰ্থৰ সংঘাতৰ শোষণ কৰিছে যিয়ে তেওঁলোকে সমৰ্থন কৰা বুলি দাবী কৰা পৰিৱেশ তন্ত্ৰটোকেই ধ্বংস কৰিব পাৰে।
এন আৰ এ আইৰ সভাপতি সাগৰ দৰিয়ানীয়ে কয় যে তেওঁলোক “জোমেটো আৰু ছুইগীয়ে ব্যক্তিগত লেবেলিং কৰি নিজে খাদ্য বিক্ৰী কৰাটো একেবাৰেই ঠিক নহয়”।
“তেওঁলোকৰ হাতত আমাৰ সকলো ডাটা আছে যিবোৰ তেওঁলোকে আমাৰ সৈতে শ্বেয়াৰ নকৰে। আমাৰ বাবে সম্পূৰ্ণ কনজিউমাৰ মাস্কিং আছে।’-দৰানীয়ে যুক্তি আগবঢ়ায়।
“আমাক সদায় এগ্ৰিগেটৰসকলে মৌখিক আশ্বাস দিছিল যে তেওঁলোকে কেতিয়াও ব্যক্তিগত লেবেলিঙৰ আশ্ৰয় নিদিয়ে। এইটো আস্থা ভংগ হৈছে আমি অনুভৱ কৰোঁ। এই প্লেটফৰ্মসমূহে নিজৰ ব্যক্তিগত লেবেল মুকলি কৰাৰ লগে লগে আমাৰ ব্যৱসায়সমূহ গুৰুতৰভাৱে প্ৰভাৱিত হ’ব।’-তেওঁ লক্ষ্য কৰে।
এন আৰ এ আইয়ে ৰেষ্টুৰেণ্ট, গ্ৰাহক, নিয়ন্ত্ৰককে ধৰি সকলো অংশীদাৰক এক ন্যায্য আৰু প্ৰতিযোগিতামূলক খাদ্য প্ৰদানৰ পৰিৱেশ তন্ত্ৰ নিশ্চিত কৰাৰ ক্ষেত্ৰত হাত মিলাবলৈ আহ্বান জনায়।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ।
