উত্তৰ-পশ্চিম নগাঁৱৰ আগশাৰীৰ বিজ্ঞান প্ৰতিষ্ঠান হিচাপে প্ৰতিষ্ঠিত সোণাই একাডেমীয়ে শেষতীয়া সংকল্পৰে সফলতাৰ পথ প্ৰশস্ত কৰি তুলিছে। আকৌ এবাৰ শিক্ষানুষ্ঠানখনে নিজৰ উৎকৃষ্টতা প্ৰতিপন্ন কৰি উচ্চতৰ মাধ্যমিক পৰীক্ষাত ১০০% উত্তীৰ্ণৰ হাৰ প্ৰদৰ্শনেৰে জিলাখনলৈ গৌৰৱ কঢ়িয়াই আনিছে,শিক্ষানুষ্ঠানখনে একেদৰেই প্ৰতি বছৰে ধাৰাবাহিকভাৱে কৃতিত্ব অৰ্জন কৰি আহিছে।
সোণাই একাডেমী পৰিচালনাৰ নেতৃত্বত আছে প্ৰতিষ্ঠাপক ড০ এলবিন মোস্তাক আহমেদ, যিগৰাকীৰ অক্লান্ত প্ৰচেষ্টা শিক্ষাৰ মানদণ্ড বৃদ্ধিৰ ক্ষেত্ৰত মাইলৰ খুটি হিচাপে পৰিগণিত হৈছে। তেওঁৰ নেতৃত্বত সোণাই একাডেমীয়ে কেৱল শৈক্ষিক উৎকৃষ্টতাক লালন-পালন কৰাই নহয়, চিকিৎসা,অভিযান্ত্ৰিক ক্ষেত্ৰখনতো যথেষ্ট অৰিহণা যোগাইছে লগতে কেইবাগৰাকী দক্ষ ব্যক্তি সৃষ্টি কৰিছে। সোণাই একাডেমীয়ে নিজৰ দিগন্ত অধিক বিস্তাৰ কৰি আই এ এছ একাডেমী স্থাপনৰ জৰিয়তে অসামৰিক সেৱাৰ প্ৰস্তুতিৰ ক্ষেত্ৰখনলৈ আৰু এখোজ আগবাঢ়িছে। ইতিমধ্যে সোণাই একাডেমীৰ কৰ্তৃপক্ষই তৃতীয় প্ৰতিষ্ঠান অৰ্থাৎ Resourse and Development wings উদ্বোধন কৰাৰ কথা ঘোষণা কৰিছে। এই প্ৰচেষ্টাই শিক্ষাৰ দিশত এক নতুন অগ্ৰগতি প্ৰদান কৰিব।
আজি একাডেমীৰ চৌহদত অনুষ্ঠিত এক বৈঠকত সোণাই একাডেমীৰ প্ৰতিষ্ঠাপক তথা সঞ্চালক ড০ এলবিন মোস্তাক আহমেদে এই গুৰুত্বপূৰ্ণ ঘোষণা কৰে। অধ্যক্ষ আলহাজ মিৰাণ হাদীৰ সভাপতিত্বত অনুষ্ঠিত হোৱা সভাখনত সন্মানীয় শিক্ষাবিদ নুৰুল আমিন আৰু ড০ আশ্ৰাফ ৱাহিদে সমল ব্যক্তি হিচাপে বহুমূলীয়া অন্তৰ্দৃষ্টি প্ৰদান কৰে।এই প্ৰগতিশীল প্ৰচেষ্টাৰ জৰিয়তে সোণাই একাডেমীয়ে শিক্ষাৰ ক্ষেত্ৰখনত উৎকৃষ্টতাৰ ৰেখা হিচাপে নিজৰ স্থিতি গভীৰ কৰি তোলাৰ লগতে নৱ প্ৰজন্মৰ বাবে উজ্জ্বল ভৱিষ্যতৰ প্ৰতিশ্ৰুতি হৈ থিয় দিছে।
