দক্ষিণ কোৰিয়াৰ ৰে’লৱেৰ শ্ৰমিকসকলে সোমবাৰে “ৱৰ্ক টু ৰুল” প্ৰতিবাদ আৰম্ভ কৰাৰ ফলত ৰাজধানী অঞ্চলত ছাবমেট্ৰ’ সেৱাত পলম হোৱা বুলি ৰে’লৱেৰ বিষয়াসকলে জনায়।
কোৰিয়াৰ ৰে’লৱে শ্ৰমিক সংঘই অধিক দৰমহা আৰু বৃহৎ শ্ৰমিক শক্তিৰ দাবীত শ্ৰমিকৰ মন্থৰতা আৰম্ভ কৰিছিল আৰু অহা মাহৰ আৰম্ভণিতে অনিৰ্দিষ্টকালীন সাধাৰণ ধৰ্মঘট আৰম্ভ কৰাৰ পৰিকল্পনা কৰা হৈছে বুলি সংবাদ সংস্থা য়নহাপে প্ৰকাশ কৰিছে।
কোৰিয়া ৰেলৱে কৰ্প (KORAIL)ৰ মতে, পুৱা ৮ বজালৈকে ৰাজধানী এলেকাৰ ছাবমেট্ৰ’ লাইন ১, ৩ আৰু ৪ আৰু ছুইন-বুণ্ডাং, গিয়েংগুই-চেণ্ট্ৰেল আৰু ছিওহাই লাইনত ৫ৰ পৰা ২০ মিনিটৰ ভিতৰত ৰে’ল চলাচলৰ পলম হৈছিল।
সকলো নিয়মীয়া ৰে’ল আৰু কেটিএক্স তীব্ৰবেগী ৰে’ল স্বাভাৱিকভাৱে চলি আছিল।
কোৰাইলৰ এজন বিষয়াই জনোৱা মতে, তৎকালীন সঁহাৰি ব্যৱস্থা বজাই ৰাখিবলৈ আৰু যাত্ৰীৰ অসুবিধা কম কৰিবলৈ পূৰ্বৰ দিনটোত জৰুৰীকালীন টাস্ক ফ’ৰ্চ গঠন কৰা হৈছিল।
ধৰ্মঘটকাৰী শ্ৰমিকসকলে কোম্পানীৰ নিয়ম বা আইন উলংঘা কৰিলে কঠোৰভাৱে চম্ভালিব বুলিও কয় বিষয়াগৰাকীয়ে।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ।
