হোজাই, ২৭ জুলাই, ২০২৪: উত্তৰ-পূব আঞ্চলিক কাৰ্যালয়, গুৱাহাটীৰ উন্নয়ন আয়ুক্ত (হস্তশিল্প)ৰ কাৰ্যালয়ৰ উদ্যোগত ২০২৪-২৫ বিত্তীয় বৰ্ষৰ বাবে “কাৰীগৰ উত্থান” আপস্কিলিং কাৰ্যসূচী আৰম্ভ কৰা হৈছে। এই কাৰ্যসূচীৰ লক্ষ্য হৈছে সমগ্ৰ দেশৰ ১০০ টা ক্লাষ্টাৰত শিল্পীসকলক ১০০ দিনৰ ভিতৰত দক্ষতা বৃদ্ধি কৰা। হোজাইত অনুষ্ঠিত উদ্বোধনী অনুষ্ঠানত স্থানীয় ৩০ গৰাকী প্ৰশিক্ষাৰ্থীৰ দক্ষতা বৃদ্ধিৰ উদ্দেশ্যেৰে আৰ্টিষ্টিক জুৱেলাৰী ক্ৰাফ্টৰ ওপৰত শিল্পী আৰু তেওঁলোকৰ জীৱিকাৰ উন্নতি সাধন কৰা। এই কাৰ্যসূচীত ডিজাইন, সামগ্ৰী নিৰ্বাচন আৰু বিপণনকে ধৰি গহনা নিৰ্মাণৰ বিভিন্ন দিশ সামৰি লোৱা হ’ব। অহা ১০০ দিনত আন ৯৯টা ক্লাষ্টাৰত এই কাৰ্যসূচী ৰূপায়ণ কৰা হ’ব, য’ত বিভিন্ন ধৰণৰ শিল্পকলা আৰু ব্যৱসায় সামৰি লোৱা হ’ব। এই পদক্ষেপে হাজাৰ হাজাৰ শিল্পীক উপকৃত কৰিব, তেওঁলোকক উচ্চমানৰ সামগ্ৰী উৎপাদন কৰিবলৈ আৰু বিশ্বৰ বজাৰত প্ৰতিযোগিতাত অৱতীৰ্ণ হ’বলৈ সক্ষম কৰি তুলিব বুলি আশা কৰা হৈছে।
হোজাইৰ ৰাম কৃষ্ণ মিছনৰ সভাপতি মদন ঘোষে হোজাই দেশবন্ধু বিদ্যাপীঠ উচ্চতৰ মাধ্যমিক বিদ্যালয়ৰ অধ্যক্ষ নিতাই দাস, অধ্যাপক হোজাই বালিকা মহাবিদ্যালয়ৰ অধ্যাপক ড° জয়ন্ত বিশ্বাস আৰু যোৰহাট হস্তশিল্প উন্নয়ন কাৰ্য্যালয়ৰ বিষয়া কপিল ডাংগীৰ উপস্থিতিত দীপ প্ৰজ্বলনেৰে অনুষ্ঠানটো উদ্বোধন কৰে। উন্মোচনী অনুষ্ঠানত ভাষণ দি হোজাইৰ ৰাম কৃষ্ণ মিছনৰ সভাপতি মদন ঘোষে কয়, “আমাৰ শিপিনীসকলৰ সামৰ্থ্যক স্বীকৃতি দি তেওঁলোকক উৎকৃষ্ট হ’বলৈ প্ৰয়োজনীয় দক্ষতা প্ৰদানৰ দিশত ‘কাৰিগৰ উত্থান’ কাৰ্যসূচী এক উল্লেখযোগ্য পদক্ষেপ। উত্তৰ-পূব অঞ্চলৰ হস্তশিল্প খণ্ডৰ বৃদ্ধিত সহায় কৰা।” প্ৰিয়া বিশ্বাস, উক্ত মাষ্টাৰ ক্ৰাফ্ট পাৰ্চন হিচাপে নিযুক্তি দিয়া হৈছে বুলি উদ্যোক্তা সকলে জানিবলৈ দিয়ে ।
