অসম বাস্কেটবল সন্থাৰ সৌজন্যত আৰু নগাঁও ক্ৰীড়া সংন্থাৰ ব্যৱস্হাপনাত তিনিদিনীয়াকৈ আয়োজিত অনূৰ্দ্ধ ১৭ ছোৱালী আন্তঃ জিলা বাস্কেটবল প্ৰতিযোগিতাৰ সফল সামৰণি পৰে। সামৰণি কাৰ্যসূচীত মুখ্য অতিথি হিচাপে উপস্থিত থাকে অসম বাস্কেটবল সন্থাৰ মুখ্য পৃষ্ঠপোষক ৰিণিকি ভূঞা শৰ্মা । নগাঁও ক্ৰীড়া সংন্থাৰ বাস্কেটবল গ্ৰাউণ্ডত অনুষ্ঠিত ফাইনেল খেলখনত গুৱাহাটী দলে বিজয়ী খিতাপ অৰ্জন কৰাৰ বিপৰীতে কামৰূপ (মেট্ৰ’)য়ে বিজিত খিতাপ অৰ্জন কৰে।
অনূৰ্দ্ধ ১৭ ছোৱালী আন্তঃ জিলা বাস্কেটবল প্ৰতিযোগিতাৰ সামৰণি কাৰ্যসূচীত অংশগ্ৰহণ কৰি বিজয়ী আৰু বিজিত দলৰ খেলুৱৈ সকলক বঁটা সমূহ বিতৰণ কৰে নগাঁও বটদ্ৰৱা সমষ্টিৰ বিধায়ক ৰূপক শৰ্মাই। সামৰণি অনুষ্ঠানত প্ৰাক্তন বিধায়ক তথা হোজাই ক্ৰীড়া সন্থাৰ সভাপতি শীলাদিত্য দেৱ প্ৰমুখ্যে অসম বাস্কেটবল সন্থাৰ বিষয়ববীয়া আৰু নগাঁও ক্ৰীড়া সংস্থাৰ বিষয়ববীয়া সকল উপস্থিত থাকে।
