জুৰীয়া,১৯মে: নগাঁও জিলাৰ জুৰীয়াৰ দুই সাংবাদিকক যোৱা কালি জুৰীয়া আৰক্ষীয়ে আটক কৰা ঘটনাই সমগ্ৰ জুৰীয়া অঞ্চলত তীব্ৰ চাঞ্চল্যৰ সৃষ্টি হৈছে।ধন দাবীৰ অভিযোগত জুৰীয়াৰ দুই সাংবাদিকক আটক কৰি আজি সাংবাদিকক দুগৰাকীক আজি জুৰীয়া আৰক্ষীয়ে জেল হাজতত প্ৰেৰন কৰে। সাংবাদিক দুজন ক্ৰমে ছাদ্দাম হুছেইন আৰু খআইৰউল ইছলাম।
ছাদ্দাম গুৱাহাটীৰ এটা নব্য প্ৰতিষ্ঠিত চেটেলাইট চেনেলৰ জুৰীয়াৰ সংবাদ দাতা আৰু খাইৰুল তথা কথিত স্বয়ম্ভু পৰ্টেল সাংবাদিকক ।
নগাঁও লোকসভা সমষ্টিৰ নিৰ্দলীয় প্ৰাৰ্থী আবু শ্বামাই তৰা এজাহাৰৰ ভিত্তিত দুয়ো জনক আটক কৰি সোধাপোছাৰ অন্তত জুৰীয়া আৰক্ষীয়ে গ্ৰেপ্তাৰ কৰে।
প্ৰাৰ্থী গৰাকীৰ বিৰুদ্ধে ব্যক্তিগত চৰিত্ৰ হনন বাতৰি প্ৰকাশ কৰি ভিডিঅ’ ভাইৰেল কৰি পৰৱৰ্তী সময়ত ধন দাবী কৰিছিল সাংবাদিক দুগৰাকীয়ে । কেৱল এয়াই নহয় চাদ্দাম হুছেইন নামৰ সাংবাদিক জনৰ বিৰুদ্ধে ইয়াৰ পুৰ্বেও উত্থাপিত হৈছিল কেবা কোটি টকীয়া বৃহৎ কেলেংকাৰীৰ অভিযোগ।
যাৰ বাবে জুৰীয়া প্ৰেছ ক্লাবে নিলম্বিত কৰিছিল ছাদ্দামক ।
ধন দাবীৰ অভিযোগত Case no-137/2024, U/S 120(B),384,506,34IPC ধাৰাত গোচৰ পঞ্জীয়ন কৰি গ্ৰেপ্তাৰ কৰিছে জুৰীয়া আৰক্ষীয়ে ।
আজিজুৰ ৰহমান, জুৰীয়া
