বৃহস্পতিবাৰে অটো নিৰ্মাতা কিয়াই নিজৰ নতুন সম্পূৰ্ণ বৈদ্যুতিক এছ ইউ ভি ইভি৩(SUV ‘EV3’) উন্মোচন কৰে, যাৰ ড্ৰাইভিং ৰেঞ্জ ৬০০ কিলোমিটাৰ পৰ্যন্ত আৰু মাত্ৰ ৩১ মিনিটত ১০ৰ পৰা ৮০ শতাংশ বেটাৰী চাৰ্জ কৰিব পৰা যায়।
কোম্পানীটোৱে জনোৱা মতে, চলিত বৰ্ষৰ জুলাই মাহত দক্ষিণ কোৰিয়াত নতুন ইভি এছ ইউ ভিখনে আত্মপ্ৰকাশ কৰিব, ইয়াৰ পিছত বছৰৰ দ্বিতীয়াৰ্ধত ইউৰোপত মুকলি কৰা হ’ব।
ইউৰোপত প্ৰৱেশৰ পিছত ইভি৩(EV3)ৰ বিক্ৰী অতিৰিক্ত অঞ্চলতো বৃদ্ধি কৰাৰ লক্ষ্য ৰাখিছে কোম্পানীটোৱে।
কিয়াই কয় যে ইভি৩(EV)ক ব্ৰেণ্ডটোৱে আগবঢ়োৱা ব্যতিক্ৰমী ইভি এছইউভি (EV SUV) অভিজ্ঞতাক বৃহত্তৰ লোকৰ গোটলৈ বহল কৰিবলৈ ডিজাইন কৰা হৈছে।
কিয়াই ইভি৩(EV3) ৯টা বডি ৰঙত আগবঢ়াইছে, ইয়াৰে দুটা এডভেঞ্চুৰীন গ্ৰীণ আৰু টেৰাকোটা এই নতুন মডেলৰ বাবে বিশেষভাৱে ডিজাইন কৰা হৈছিল।
EV3 ৰ মাত্ৰা ৪,৩০০মিমি দৈৰ্ঘ্য, ১,৮৫০মিমি প্ৰস্থ, আৰু ১,৫৬০মিমি উচ্চতা, হুইলবেছ ২,৬৮০মিমি। ইয়াত ফ্ৰন্ট হুইল ড্ৰাইভ ইলেক্ট্ৰিক পাৱাৰট্ৰেইন আছে যিয়ে কিয়াৰ চতুৰ্থ প্ৰজন্মৰ বেটাৰী প্ৰযুক্তি ব্যৱহাৰ কৰে আৰু ই ইলেক্ট্ৰিক গ্ল’বেল মডুলাৰ প্লেটফৰ্ম (ই-জিএমপি)ৰ ওপৰত ভিত্তি কৰি নিৰ্মাণ কৰা হৈছে।
EV3 Standard মডেল কেৱল 58.3kWh বেটাৰীত চলে, আনহাতে EV3 Long Range সংস্কৰণ 81.4kWh বেটাৰীৰে সজ্জিত।
ভিপি তথা গ্লবেল বিজনেছ প্লেনিঙৰ মুৰব্বী স্পেন্সৰ চই কয় যে কিয়াই অত্যাধুনিক প্ৰযুক্তি আৰু বৈশিষ্ট্যৰে ভৰপূৰ এটা কমপেক্ট মডেল প্ৰৱৰ্তন কৰি ইভি এছইউভি বজাৰত বৈপ্লৱিক পৰিৱৰ্তন আনিছে।
দুয়োটা মডেলতে ১৫০ কিলোৱাট/২৮৩ এন এম ইলেক্ট্ৰিক মটৰ আছে যিয়ে ০-১০০ কিলোমিটাৰ প্ৰতি ঘণ্টাত ৭.৫ ছেকেণ্ডৰ ত্বৰণৰ সময় দিয়ে।
অটো নিৰ্মাতা কোম্পানীটোৰ মতে, EV3 য়ে ঘণ্টাত ১৭০ কিলোমিটাৰ গতিবেগ লাভ কৰিব পাৰে।
বিভিন্ন ডিজিটেল প্লেটফৰ্ম, ৱেবছাইট, সাংবাদিক, আৰু সংস্থাৰ পৰা বাতৰি সংগ্ৰহ ।
